ONA SUTI JON OZIG‘I

Ona suti — go‘daklar uchun eng mukammal ozuqa. Uning tarkibida chaqaloqlarni ko‘plab kasalliklardan himoya qiluvchi antitanalar, vitaminlar, gormonlar va boshqa ko‘plab foydali mikroelementlar mavjud.

Viloyat sog‘liqni saqlash boshqarmasi boshlig‘ining onalik va bolalikni muhofaza qilish bo‘yicha o‘rinbosari Gulbika Allaberganova Urganch shahar tibbiyot birlashmasi tug‘ruq bo‘limida bo‘lib, bo‘limda chaqaloqlarni ona suti bilan oziqlantirish targ‘iboti qanday yo‘lga qo‘yilgani bilan tanishdi. Yosh onalar bilan muloqotda bo‘ldi.

Bo‘limda chaqalaoqlarni ona suti bilan oziqlantirishning ahamiyatini targ‘ib qiluvchi bannerlar osilgan. Teleekranda muntazam ravishda mavzuga doir videorolik namoyish qilinmoqda.

Boshqarma boshlig‘i o‘rinbosari ko‘krak suti bilan oziqlantirishning foydasini har bir yosh onaga tushuntirish bo‘yicha tavsiyalar berdi.