TIBBIY VA HUQUQIY TARG‘IBOT UCHRASHUVI

Xorazm viloyati sog‘liqni saqlash boshqarmasi hamda viloyat IIB Huquqbuzarliklar profilaktikasi boshqarmasi masʼul xodimlari bilan hamkorlikda Shovot tumanida «Sog‘lom hayot» hamda «Xavfsiz hudud va mulkiy turdagi jinoyatlar profilaktikasi oyligi» doirasida tibbiy va huquqiy targ‘ibot uchrashuvi o‘tkazildi.

Unda viloyat sog‘liqni saqlash boshqarmasi boshlig‘ining

Onalik va bolalikni muhofaza qilish bo‘yicha o‘rinbosari Gulbika Allaberganova so‘zga chiqib, sog‘lom oilani shakllantirish, tug‘ruqlar oralig‘ida tegishli intervalni saqlash, tibbiy madaniyatni rivojlantirish, reproduktiv salomatlikni mustahkamlashda tibbiyot muassasalari, mahalla, taʼlim muassasalari, ichki ishlar idoralari hamkorligini yana-da kuchaytirish lozimligi yuzasidan to‘xtalib o‘tdi.

Uchrashuv davomida aholi vakillarini sog‘lom turmush tamoyillari asosida hayot kechirishga to‘g‘ri yo‘naltirish, reproduktiv salomatlikni taʼminlash bilan bog‘liq bir qator masalalar muhokamalar markazida bo‘ldi.