Xabaringiz bor, joriy yilning 24-25-avgust kunlari butun yurtimiz bo‘ylab Mustaqilligimizning 33 yillik bayrami arafasida “Mahalla obod — yurt obod” shiori ostida umumxalq xayriya hashari o‘tkazilmoqda.

Ushbu hasharda Xorazm viloyati sog‘liqni saqlash boshqarmasi tizimidagi barcha tibbiyot muassasalari jamoalari ham uyushqoqlik va birdamlik bilan faol ishtirok etib, obodonlashtirish ishlariga o‘zlaring munosib hissalarini qo‘shmoqdalar.

Xususan, bugun Xiva tuman tibbiyot birlashmasi va unga qarashli davolash profilaktika muassasalari hududlari ko‘kalamzorlashtirildi, daraxtlarga shakl berilib,

ariqlar tozalandi. Hudud bo‘ylab ichki va tashqi maydonlarda tozalash-obodonlashtirish kabi xayrli ishlar ko‘tarinki kayfiyatda amalga oshirildi.

Albatta, yurtimizda istiqlol ayyomi arafasida ezgu anʼanaga aylangan hashar yon-atrofimizga, hududlarimizga ko‘rk bag‘ishlab, jamiyatning birligini va hamjihatligini mustahkamlashga xizmat qilmoqda.