Maʼlumki, O‘zbekiston Respublikasi Prezidentining 2023 yil 8 sentyabrdagi “Onalar va bolalar salomatligini muxofaza qilish, aholining reproduktiv salomatligini mustahkamlash chora-tadbirlari to‘g‘risida”gi qarori hamda davlat rahbarining 2023 yil 24-25 oktyabr kunlari Qashqadaryo viloyatiga tashrifi davomida berilgan topshiriqlar bo‘yicha 35-sonli bayoni ijrosini taʼminlash choralari ko‘rilmoqda. Shu asosda aholiga sifatli tibbiy yordam ko‘rsatish, reproduktiv yoshdagi ayollar, homiladorlarga ko‘rsatiladigan tibbiy yordam sifati oshirilmoqda. Hujjatlar ijrosi doirasida O‘zbekiston Respublikasi sog‘liqni saqlash vazirligi, Tibbiyot xodimlarining kasbiy malakasini rivojlantirish markazi, Respublika o‘rta tibbiyot va farmatsevtika xodimlari malakasini oshirish va ularni ixtisoslashtirish markazi, Turkiyaning Istambul universiteti, Belorussiya davlat tibbiyot kolleji hamkorligida 756 kreditga mo‘ljallangan dastur asosida viloyatimiz patronaj doyalari o‘qitilgan edi.

Shu kundarda patronaj doyalardan onlayn rejimida test sinovlari olinmoqda.Test sinovlari boshlanishi oldidan viloyat sog‘liqni saqlash boshqarmasi bosh hamshirasi B. Matchonova va RO‘TvaFXMOIM Urganch filiali direktori M. Jumaniyozova patranaj doyalar bilan uchrashib, sinovlarda va masʼuliyatli faoliyatlarida omad tiladilar. Xorazm viloyati lider doyasi D. Toxirova va RO‘TvaFXMOIM Urganch filiali uslubiy bo‘lim boshlig‘i T. Polvonova nazorati ostida doyalar test sinovlarini muvaffaqiyatli topshirmoqdalar.

Birinchilar qatorida Urganch shahri va Qo‘shko‘pir tumani doyalari test sinovlaridan o‘tdilar. Sinovlar shaffoflik tamoyili asosida o‘tkazilmoqda.