📊 So‘nggi yillarda butun dunyoda diabetga chalingan bemorlar soni ortib bormoqda. JSST ekspertlarining hisob-kitoblariga ko‘ra, 2021 yilda dunyoda 529 million kishi qandli diabet bilan kasallangan, 2050 yilga borib esa bunday bemorlar soni qariyb bir yarim milliardga yetishi mumkin.

📹 Kuni kecha Respublika ixtisoslashtirilgan endokrinologiya ilmiy-amaliy tibbiyot markazi Xorazm filialining bir guruh malakali mutaxassislari viloyat sog‘liqni saqlash boshqarmasi va Xorazm telekanali hamkorligidagi «Salomat bo‘ling» ko‘rsatuvida to‘g‘ridan to‘g‘ri efirda ushbu xastalik haqida xabardorlikni oshirish maqsadida ko‘plab maʼlumotlarni taqdim qildilar, viloyatimizda qandli diabetga qarshi kurashish borasida olib borilayotgan chora-tadbirlar haqida tanishtirdilar, kasallik profilaktikasi bo‘yicha o‘z tavsiyalarini berdilar. Teletomoshabinlarni qiziqtirgan savollarga javob qaytarildi.