Xorazm viloyati sog‘liqni saqlash boshqarmasi tomonidan Yangibozor tumani Bog‘olon qishlog‘i Katli mahallasida chuqurlashtirilgan tibbiy ko‘rik tashkil qilindi.

Ushbu mahallada 2670 nafar aholi istiqomat qiladi. Ularning 933 nafari 18 yoshgacha bo‘lgan bolalar, 760 nafari tug‘ish yoshidagi ayollardir. 356nafar fuqaro turli kasalliklar bilan dispanser hisobiga olingan.

Kecha mahallaga Respublika ixtisoslashtirilgan endokrinologiya ilmiy-amaliy tibbiyot markazi, viloyat tibbiyot muassasalari, Yangibozor tuman tibbiyot birlashmasining malakali mutaxassislari tashrif buyurdilar. Mahallaning 172 nafar aholisi tibbiy ko‘rik bilan qamrab olindi. 62 nafar fuqaro UTT, 65 nafari laborator, 45 nafari EKG tekshiruvlaridan o‘tkazildi.

Tibbiy ko‘rik natijasida 63 nafar fuqaroda turli xil kasallik aniqlanib, shundan 8 nafari tuman tibbiyot birlashmasiga, 3 nafari viloyat tibbiy muassasasiga statsionar davolanish uchun yunaltirildi. 52 nafariga ambulator muolajalar tavsiya qilindi.

Bundan tashqari, uyda yotib kolgan bemorlarning 5 nafari tibbiy ko‘rikdan o‘tkazilib, 3 nafarida uyida tibbiy muolaja bajarildi.

20 nafar fuqaro Yangibozor tuman tibbiyot birlashmasiga qarashli 64-son OP tomonidan bepul dori-darmon vositalari bilan taʼminlandi.

Shuningdek, viloyat qon quyish markazi tomonidan donorlik aksiyasi uyushtirilib, mahallaning bir necha fuqarolari xayrli ishga jalb qilindi.

Shu kuni mahallada masʼul tashkilotlar tomonidan bo‘sh ish o‘rinlar yarmarkasi, imtiyozli kreditlar taqdimoti, kitob yarmarkasi, harbiy vatanparvarlik, madaniy tadbirlar ham tashkil qilindi.