O‘zbekiston Respublikasi Prezidentining 2018-yil 21-noyabrdagi «Axborot texnologiyalari va kommunikatsiyalarining joriy etilishini nazorat qilish, ularni himoya qilish tizimini takomillashtirish chora-tadbirlari to‘g‘risida»gi PQ-4024-son qarori bilan tasdiqlangan nizomga asosan davlat va xo‘jalik boshqaruvi organlarida, boshqa tashkilotlar va idoralarda axborot-kommunikatsiya texnologiyalari, axborot va kiberxavfsizlikni qonun hujjatlarida belgilangan tartibda joriy etish va rivojlantirish holati ustidan nazorat, monitoring, o‘rganish va tekshirish olib borish vakolati berilgan.

Shunga asosan Xorazm viloyati hokimligi tomonidan tasdiqlangan reja-jadvalga asosan O‘zkomnazorat inspeksiyasi Xorazm viloyati hududiy sho’basi tomonidan Xorazm viloyati sog‘liqni saqlash boshqarmasida raqamlashtirish, axborot va kiberxavfsizlik, axborot kommunikatsiya texnologiyalarini joriy etish va rivojlantirish holati yuzasidan o‘rganish o‘tkazildi.

O‘rganishda sohani raqamlashtirish yuzasidan amalga oshirilayotgan ishlar, O‘zbekiston Respublikasi Prezidentining Farmon va Qarorlari hamda Vazirlar Mahkamasining Qarorlari bilan yuklatilgan vazifalarning ijro holati ko‘rib chiqildi.

O‘rganish yakunida Xorazm viloyati sog‘liqni saqlash boshqarmasi va uning tizimidagi tashkilot va muassasalarni raqamlashtirish, zamonaviy axborot-kommunikatsiya texnologiyalarini yanada jadal joriy qilish yuzasidan tegishli taklif va tavsiyalar berildi.