✅ Mazkur klinika yurak-qon tomir kasalliklarini erta aniqlash va davolashga ixtisoslashgan bo‘lib, AQSH, Rossiya, Xitoy, Germaniya, Koreyada ishlab chiqarilgan 74 turdagi tibbiy asbob anjomlar bilan jihozlangan. Klinikaning kardiologiya, kardiojarrohlik, reanimatsiya bo‘limlarida 44 ta statsionar shifo o‘rinlari mavjud bo‘lib, shuningdek, konsultativ poliklinika, funksional diagnostika va laboratoriya, angiografiya amaliyoti xonasi faoliyat ko‘rsatadi.

✅ Klinikada o‘z sohasining yetuk, tajribali mutaxassislari tomonidan  24/7 rejimida tunu kun nafaqat Xorazm viloyati, balki boshqa viloyatlardan keladigan bemorlarga ham yuqori malakali tibbiy xizmat ko‘rsatiladi.  Yangi tibbiyot muassasasining ochilishiga bag‘ishlangan tadbirda viloyat hokimi Jo‘rabek Raximov ishtirok etdi.