Sog‘liqni saqlash vazirligi shu yil 17 dekabrda “Yagona tibbiyot axborot tizimini joriy qilish to‘g‘risida” 384-sonli buyruq qabul qildi.

Shu kunlarda viloyat sog‘liqni saqlash boshqarmasi tomonidan barcha shahar-tuman tibbiyot birlashmalarida ushbu buyruq ijrosini taʼminlashga qaratilgan seminarlar o‘tkazilmoqda. Seminarlarda D-MED yagona axborot tizimi bo‘yicha IT operator hamshiralar va amaliyot hamshiralari, doyalar va registratura hamshiralari ishtirok qilmoqda.

Viloyat sog‘liqni saqlash boshqarmasi masʼul xodimlari yagona tibbiyot axborot tizimini joriy qilish yuzasidan taqdimotlar qilib, ishtirokchilarni qiziqtirgan savollarga javob qaytarmoqda.