Xorazm viloyati
sog‘liqni saqlash boshqarmasi
Xorazm viloyat sog‘liqni saqlash boshqarmasi Respublika sog‘liqni saqlash organlari yagona tizimidagi hududiy organ hisoblanib, o‘z faoliyati bo‘yicha Xorazm viloyat hokimligiga va O‘zbekiston Respublikasi sog‘liqni saqlash vazirligiga bo‘ysunadi.Boshqarma faoliyati O‘zbekiston Respublikasi Konstitutsiyasi, qonunlari, O‘zbekiston Respublikasi Oliy Majlisining rasmiy hujjatlari, O‘zbekiston Respublikasi Prezidentining qaror, farmon va farmoyishlari, Vazirlar Mahkamasining qaror va buyruqlari, shuningdek boshqa qonuniy hujjatlar, O‘zbekiston Respublikasi bilan sog‘liqni saqlash bo‘yicha tuzilgan xalqaro shartnomalar, Sog‘liqni saqlash vazirligi, viloyat hokimligining meʼyoriy hujjatlari, hamda boshqarma Nizomi asosida yuritiladi.
Boshqarma mulkchilik shaklidan qatʼiy nazar, tasarrufidagi hududda joylashgan sog‘liqni saqlash muassasalarining o‘z vakolatiga kiruvchi masalalarni hal qilishga doir faoliyatini muvofiqlashtirib boradi va nazorat qiladi. Sog‘liqni saqlash sohasida davlat boshqaruvini hamda tartibga solishni amalga oshiradi.Boshqarma yuridik shaxs bo‘lib, o‘ziga tegishli mulkni, kirim – chiqim xarajatlarini, bankdagi hisob –kitoblarni boshqarish va o‘z nomi, shuningdek O‘zbekiston Respublikasi gerbining tasviri tushirilgan muhrga egalik qilish huquqiga ega.